کوم ښه ميموري کارټ دی؟

کوم ښه ميموري کارټ دی او څنګه ښه ميموري کارت معلوم کړو؟ميموري کارتونه سربېره پر حافظې يا (جي بي) او ظاهري ډيزاين د سرعت Speed له مخې هم په خپل منځ کې فرق لري، چې همدا یې په بيې او قيمت هم پوره اثر غورځولی شي،ځکه کېدای شي يو ۶۴ جي بي ميموري کارت يو کس په ۵۰۰افغانۍ بل هماغه په يو زر افغانۍ يا له دې څخه قيمته اخيستی وي . تاسې چې ميموري کارټ اخيسته حتمن یې سپیډ ته وګورئ چې پر پوښ یې ليکل شوی دی او هغه ليکل شوی سپيډ یې حد اکثر سپیډ دی، او چې څومره عدد د سپيډ لوړ وي هغومره ميموري ښه تمامېدلی شي، خو دې خبرې ته مو بايد پام وي چې ستاسې موبايل يا بل هر ډيوایس چې تاسې ميموري پکې کاروئ بايد د هغې ميموري د سپیډ د ساپورټ کولو وړتيا ولري که مو موبایل کمزوری وي او ميموري کارت مو د تېزترين سپيډ والا ور اچولی وي بيا هم هغسې کار نه کوي چې تاسې غواړئ.نو په سرعت کې لاندې شيانو ته توجه وکړئ!ميموري کارتونه د ظاهري بڼې له مخې په دريو برخو ويشل شوي، １- سټنډرډ ميموري کارټ Full SD : هغه چې زياتره د عکاسي کامرو ته ورنصب کېږي.２- ميني ميموري کارټ mini SD: دوه، دری کاله مخکې په ځینو موبايلونو کې کارول کېده له مايکرو يا اوسنيو عامو ميموري کارتونو لږ لوی او له سټنډرميموري کارتونو څخه کوچنی و.３- مايکرو ميموري کارټmicro SD : هغه اوسني عام ميموري کارټونه چې موبايلونو ته ورولېږي.د ذخيرې يا (جي بي) له پلوه هم په دريو برخو ويشل شوې１- SD (سټينډرډ)هغه ميموري کارتونه چې تر څلور جي بي پورې حافظه لري.２- SDHC (های کپېسيټي)هغه ميموري کارتونه چې له ۴ څخه تر ۳۲ جي بي پورې حافظه ولري.３- SDXC هغه ميموري کارتونه چې له ۳۲ جي بي څخه تر دوه ټي بي پورې حافظه ولري(دوه ټي بي به هم په راتلونکې کې جوړه شي اوس مهال لا ندي جوړې شوې) بله خبره چې په ميموري کارتونو کې مهمه ده هغه کلاس (Class) دی: په ميموري کارتونو باندې يو عدد ليکلی وي او بيا ترې يوه دايره تاوو وي لکه ②، ④، ⑥ یا ⑩ : کلاس پر ميموري کارټونو باندې د هغې ډيټا د لوستلو او ورته رالېږلو وړتيا ښيي چې په ثانيه کې څومره ډيټا (حد اکثر) ورته رالېږلی شئ.مثلاً: ②Class په دې مانا چې په ثانيه کې حد اکثر دوه ايم بي ډيټا ورلېږلی شئ ، ④Class ته څلور ايم بي، کلاس ⑥ ته شپږ ايم بي، کلاس⑩ ته (حد اکثر لس ايم بي په ثانيه کې) معلومات ورلېږلی شئ. له دې د پورته سرعت والا ميموري کارت د UHS يا الټرا های سپيډ په نامه يادېږي چې په UHS-1، UHS-3 او نورو کټګوريو ويشل شوي دي که له دې تورو سره يو عدد (په نيمه ګلاس ډوله کړۍ ) کې ليکلي و و په دې مانا چې په ثانيه کې حد اکثر ۱۰۴ ايم بي سپيډ معلومات ورلېږلی شئUHS-1 په څو برخو وېشل کېږي:SDR12 سرعت ۱۲،۵ ايم بي په ثانيه کېSDR25 سرعت ۲۵ ايم بي په ثانيه کېSDR50 سرعت ۵۰ ايم بي په ثانيه کېSDR104 سرعت ۱۰۴ ايم بي په ثانيه کې.UHS-II سرعت : هم همداسې په څو برخو ويشل شوی دی:FD156سرعت ۱۵۶ ايم بي په ثانيه کېHD312 سرعت ۳۱۲ ايم بي په ثانيه کېاو UHS-3 ته له ۳۱۲ ايم بي په ثانيه کې سرعت څخه پورته معلومات ورلېږلی شئخو دې ته مو بايد پام وي چې هغه عددونه چې پرې ليکلي دي په دې مانا نه دي چې بايد کټ مټ همدومره ايم بي ډيټا په ثانيه کې وليږي ، هغه یې د تجربه کېدلو او حد اکثر سپيډ دی. او بله خبره دا چې SD Card د Secure Digital Memory Card مخفف دی